BBrC159 is No. 1!

Yes mga kapatid, we made it! Napatunayan na naman nating tayo ang da best, sa pagtatapos ng huling Recognition Day ng ating college life. Sa anim na awards na para sa graduating students, lima dito ang nakuha natin:

1. Most Outstanding Graduating Student: Mart Elias Carlo Marañon
2. Most Active Graduating Student (Leadership Award): Jan Meynard Nualla (Broadcast Communication); Aiko Buduan (Journalism)
   
3. Best Quantitative Research (tie with BBrC 4-1N): A Research-Based Communication Plan Popularizing Natural Gas Among Public Utility Jeepney Drivers in Metro Manila (Nualla/Valiente/Gapasin/Bibat/Ngui)
4. Best Qualitative Research: Itutuloy... Research-Based Strategies in Reviving the Philippine Komiks Industry (Asidao/Formales/Llabore/Murillo/Pasumbal)
5. Most Active Graduating Class: BBrC 4-1D
6. Most Outstanding Graduating Class: BJ 4-1D

Bukod diyan, nabigyan din ng Award of Recognition ang institutional research ng klase, ang Socio-Economic Profile of COC Freshman Students for School Year 2008-2009 (Sallegue/Marañon/Abanilla/Fruto/Perez/Garcia/Villalon/Parreño/Cruz/Ong), at si Mart naman ang naging Top President's Lister. Ang saya hindi ba? Gayunpaman, congratulations din sa iba pang section at lahat tayong mga ga-graduate ngayong Mayo, dahil lahat tayo ay talagang nagsikap upang maabot ang puntong ito. Sayang nga lang at hindi nagpunta ang klase upang masaksihan ang karangalang ating natamo.

Meron ding ilang maliit na frustrations ang klase sa araw na ito. Hindi na naman kasi nakapag-apply ang klase para sa University Scholar certifications. Disinsana'y marami sana sa atin ang may President's at Dean's Listers.

Samantala, mukhang hindi pa rin malinaw kung ilan sa klase ang pupunta sa Graduation Party na gaganapin sa Astoria Hotel sa Ortigas sa April 24. Marami rin kasi ang nagsabing ayaw nilang pumunta. Iba-iba ang dahilan: dahil walang pera, dahil hindi naman kumpleto ang klase, dahil magpa-plastikan lang raw, atbp.

Siyangapala, naipasa na ang lahat ng gradesheet natin, kaya pwede nyo nang tignan kung nasa tentative list na kayo ng mga graduates. Kung naroon na kayo, pwede nyo nang kunin ang pink card sa Window 1 pagkatapos maipresenta ang inyong registration card na may tatak na "fully paid".

Advertisement: May panibagong video tayo sa YouTube para sa ating Vlogs category, at yun ay ang short clip ng naging intermission number ng Teatro Komunikado noong recognition day. Para sa iba pang videos, magpunta lang sa youtube.com/bbrc159. Pwede nyo ring silipin ang mga pictures ng event na yon sa bbrc159.multiply.com.

GMA-7 visits COC

Here is a new upload on our Video Center, "Atty. Felipe Gozon at PUP COC's 7th Founding Anniversary". Another exclusive, this was the video used to introduce GMA Network's President, Chairman & CEO during the convocation of PUP College of Communication's 7th Founding Anniversary last July 29, 2008.

BBrC159. Giving you only the best.

Watch out for more, only here on BBrC159.

muntik nang di maka-graduate ang loko

Marahil ay hindi na lingid sa inyong mga sumusubaybay dito sa ating website na nagkaroon ng isyu tungkol sa pagkaka-upload natin sa mga video ni Dr. Ma. Lourdes DP Garcia sa YouTube. Hayaan ninyong bigyan ko kayo ng update sa mga naganap. Nang umabot sa kaalaman ni Dr. Malou ang mga nasabing video nitong Martes, Marso 3, agad umano syang nagbanta na magdedemanda siya ng libel. Sa tulong ng ilang mga COCian na nakasaksi rito, na-abisuhan kami at agad na rin naming isina-pribado ang mga video. Naku ha, hindi ko lubos akalain na ganun na lang ang iaabot ng kasikatan (anu raw?!) ng ating mga site dito sa World Wide Web.

Kinabukasan ay agad nang nakipagkita ang mga sangkot (JM, Edryan, Mearah) matapos ipatawag ni Dr. Malou sa Graduate School ng pasado alas-6 ng gabi. Naroon upang tumayong suporta at saksi sina Mart at Jerome. Bagamat saktong alas-7 ako dumating, nagsimula na si Maam Garcia sa pagpapaliwanag ng mga 'grounds' nya upang kami ay idemanda ng libel. Mukhang pinaghandaan nya ang mga sinabi nya sapagkat mayroon pa syang notebook, at isa-isa nyang sinabi (sa wikang Ingles) ang mga elemento ng libel gaya ng "hurting reputation" at "malice". May sinabi pa syang "ignorance of the law excuses no one". Dinagdag nya pa na bilang isang doctor, hindi lang umano nasira ang kanyang pangalan kundi maging ng unibersidad. Pinagtatawanan umano sya ng kanyang mga "detractors".

Bilang pagtatanggol, sinabi nina Edryan na ang mga lyrics na nakita sa videos ay typographical error, at hindi lang naiintindihan ng mga nakanood na ang mga kinanta ni Maam Garcia ay katuwaan lamang namin sa klase. Dinagdag ko naman na ang mga katagang Sto. Niñong Gala ay expression lamang naming magkakaibigan sa klase, at ang website na iyon ay mga video ng aming klase. Noong una kasi ay inakala ni Maam Garcia na ginawan umano namin sya ng sarili nyang website sa Youtube, ngunit hindi naman ito totoo kaya agad kaming nagpaliwanag. Sinabi namin na kung may intensyon kaming siraan sya, disinsana'y hindi namin nilagay ang aming pangalan sa credits, o kaya naman ay hindi sa Youtube ng klase namin inupload kundi sa isang untraceable na site.

Samantala, tinanong kami ni Maam Garcia kung sino sa tingin namin ang mga "detractor" na gustong sumira sa kanya, kaya negatibo ang pinapakitang reaksyon sa mga video nya, na sa isang banda ay ipinagmamalaki din pala nya dahil sya lang ang propesora sa PUP na may video sa Youtube, kaya iniisip nya rin na talagang mayroon lamang syang detractors na gusto siyang siraan. Ginatungan pa ito ni Mearah nang sabihin nyang baka kasi pinag-uusapan na ang umano'y pagbabalik nya bilang dean ng COC.

Upang solusyunan ang nangyari, nagpagawa si Maam Garcia ng kasunduan kung saan ay "stipulated" ang mga nagawa namin, at maliban dito ay gagawa kami ng isang video na ipo-post rin sa YouTube, na magpapabango sa kanyang pangalan. Isinuhestiyon ang mga testimonya mula sa iba't ibang taga-unibersidad na magsasabing tama ang mga itinuro ni Maam Garcia sa pagbigkas ng salitang "Psychology".

Marso 6 nang bumalik sina Mearah, Edryan, Jerome at Mart upang muling ipresenta ang mga ipinagawa nya, at sa wakas, maayos na ang lahat.

Ang lesson: tsaka gumawa ng kalokohan pagkatapos gumraduate.. joke! haha

Samantala, sa mga nag-oOJT pa sa inyo, ayoko mang bawasan ang momentum ninyo subalit, ayon sa ating source, mayroon na umano tayong grade sa Internship, at 1.25 ang lahat. Ang mga ipapasa nating documents, ay formality na lamang umano. Kaya wag nyo na siguro masyadong karirin ang pagdo-document.