BBrC159 Job Updates

Sa ngayon, sa ating BBrC159 graduates, sila ang mga alam kong may trabaho na related sa media. Nauna ko nang naipost dito na si Mearah ay isa nang DJ (aka Seksi Sabel) sa 93.9 i-FM, kapartner si Pakito Jones tuwing 6-9am weekdays. Si Erica naman, na naging writer sa ABS-CBN, ay pansamantalang tumigil dahil wala silang sinusweldo at tinanggal sa posisyon ang kanilang creative manager.

Nabanggit ko na rin dati na si Mart ay isa nang Executive Secretary ng Radio Mindanao Network (RMN) at i-FM. Parte ng trabaho nya ang pagiging isang media planner. Maliban diyan, nabalitaan ko rin na magtututro na rin diumano sya sa PUP bilang instructor na inalok umano sa kanya ni Sir Don. Hindi ko pa nga lamang nakukumpirma ito kay Mart.

Si Archie naman ay isa nang Researcher sa GMA-7, sa programang Kapuso Mo Jessica Soho. Ang kanyang unang segment, na ipinalabas noong May 23, ay tungkol sa Watwat Food Festival. Maari nyong mapanood ang episode dito. Ang segment ni Archie ay nasa timecode na 10:42 ng video.

Si Adrian ay kasalukuyang isang Co-host sa programang Magkaisa Para sa Bayan (commentary-public service-talk show), kung saan kami nag-OJT. Ginawa kasi siyang apprentice ng host nito na si Atty. Jay de Castro, na may mataas ring posisyon sa MWSS.

Hindi ko pa nakukumprima kay Joy kung ano na ang status niya sa Manila Bulletin, kung saan sya nag-apply. Kung di ako nagkakamali ay Editorial Assistant sya.

Samantala, ang ilan sa atin ay nagtatrabaho na rin, bagamat hindi gaanong related sa media. Nariyan si Hazel na isa nang Secretary/Executive Assistant sa isa sa mga opisina ng Malacañang, ngunit sa pagkakaalam ko ay production assistant pa rin ng Sunday TV Mass ng NBN. Si Pamela ay isang Sales Admin Supervisor sa Nutri-Asia. Ang iba na sa pagkakaalam ko ay nanatiling Call Center Agents (na trabaho na nila bago pa gumraduate) ay sina Jhuna Bell, Christine, at Tracy. Si Vernon naman ay kakaumpisa lang bilang Call Center Agent.